Camping

am dunschtig :
haette mir scho soele go campe aber wills so fescht graengnet het sin mir am dunschtig ins kino und
am fritig:
morge abgafahre nach national sandbanks park.ca.3 stund lang sin mir auto gfahre mit eme ahaenger hinde am jeep.die andere haenn immer vo eme "trailer" gredet aber mir haenn nur so e flache ahaenger hinde dra gha.
wo mir denn acho sin ha ich gmerkt das meh dr trailer ufrolle cha und denn cha meh ine go schlofe usw.....
wo mir acho sin si mir churz nach em uspacke an strand.wwwwwooooooooowwwwwww!!!!!sooo langi straend ha ich glaub fasch nie gseh.aemel nit amene see(lake ontario).es het grossi waelle gha und meh het choenne in see uselaufe(ca.100-150m).ueber d waelle gumpe oder dure tauche isch voll "funny" gsi!!!zobe sin mir ums fuer gsaesse und haenn marschmellows gaesse.aber nit nur s marschmellow sonder e "smore"!meh duet s marschmellow broetle.denn dut meh s uf e zwieback und in de zwieback chunnt au no schoggi.aso ich has fein gfunde!!der zwieback het chli komisch gschmoekt aber das chunnnt denn spoeter.
am samschtig:
der erschti gedanke:canada day!!!
denn sin mir ufgschtande und haenn chli zmorge gaesse.nocher sin mir an strand und haenn doet kollege drofe wo zur gliche zit wi mir in park gange sin.es het nit so tolli waelle gha aber es isch trotzdem toll gsi!
am obe sin mir go fuerwaerk luege.das isch mega mega cool gsi!!!(ich probier es paar bilder druf zdue)
am sunntig:
sin mir an "dunes beach".bis jetzt sin mir
'nur
' am normale strand gsi.meh het choenne uf die dunes ufelaufe und denn obe abe renne grad ins wasser.das isch luschtig gsi aber der raescht vom strand het niemer so recht ueberzuegt.nachdem mir ca.45 min. fuer e hamburger aneme restaurant agstande sin haenn mir dr strand gnueg gseh gha und sin wider an normale.
am obe sin denn alli kollege zu "unsem campingplatz"cho und haenn mit uns smores gaesse.d tamara het denn gfunde si schmecke komisch und denn haenn si gmerkt das sie dr zwieback und d seifi im gliche schraenkli haenn und das der zwieback mit der zit de gschmack animmt!!!
mit neuem zwieback haennn die smores mi aber ueberzuegt!!!
am mentig:
haenn mir zerscht an strand welle und denn packe und denn no zu andere dunes.nachem strand und em packe haenn alli zu de dunes welle ussert d tori.si hasst laufe(het mi and lena erinneret!):):)
nachdem mir das waegli gfunde haenn und nur ca.20 min gloffe sin si mir zu de gliche dunes wie geschter cho!!!sehr zum aerger vo dr tori!!!aber es het es paar gueti foeteli geh .fuer mi hets sich glohnt.
nach der erfolgriche wanderig si mir denn hei gfashre und haenn uspackt und denn si mir in pool go bade.und wo mir chalt gha haenn si mir in hottub.

that's all folks!!